【Emily】遭潑水指罵 許智峯向澳洲國安部舉報
[2022.08.10] 發表
【明報專訊】身負多宗刑事案、前年去咗海外嘅立法會前議員許智峯(Ted)身在澳洲，前晚「澳港聯」引述有人見到一名男子喺一間餐廳內向Ted潑水、指罵，事後潑水者亦被人影相放上網兼「起底」。Ted噚日喺facebook交代事件，話已經分別向悉尼當地嘅新州警方(NSW Police)、澳洲聯邦警察(AFP)、澳洲安全情報組織(ASIO)、澳洲國家安全部(National Security)舉報事件。
Ted提到，自己作為政治人物，過往都會喺公眾場合遇到政見唔同嘅人向佢大聲指罵，而今次事件無人受傷，無即刻報警，事後考慮到事件涉及直接襲擊同威脅使用暴力，加上佢作為香港嘅公眾人物，佢喺澳洲嘅人身安全牽涉到港人公眾利益，所以有需要畀澳洲政府知悉事件。
更多港聞
【Emily】政協青聯與懲教合作 助反修例釋囚就業
【明報專訊】香港政協青年聯會將會推出「同心圓計劃」，同懲教署合作，協助因2019年反修例運動入獄嘅年輕人更生，希望透過聯會嘅網絡，為佢哋提供... 詳情相關新聞
