【Emily】逛香港 撐小店 陳沛然食評多人睇
[2022.05.03] 發表
【明報專訊】立法會醫學界前議員陳沛然近月喺facebook寫「陳仔飲食頻道」寫得幾密吓，通常都係就咁影張食物相，但就吸引大批網民喺post下面留言估係邊間食店，有時陳醫生都會畀貼士，不過好多時唔使講，啲網民都估得中。陳沛然有時會喺自己個網誌寫食評，噚日就有一篇講出名食牛腩嘅店。
陳沛然早排喺facebook引述有朋友同佢講，好多人追看「陳仔飲食頻道」，佢就話自己都係睇心情、隨意，周圍走試食好嘢，又話周圍去搵食，目的係行吓香港，支持小店。
佢又話，睇佢嘅身形，可能知佢都唔會食得多，佢只係揀食好嘢，分量唔多，食六七成飽，便能控制體重，「古語有云：食卡樂D薯片，唔好問幾點。出街食飯，就唔好執著有幾健康。要食得健康，陳仔建議減少在外面吃東西，在家煮和食，帶飯返工，油鹽糖自己煮一定比外面少」。
更多港聞
備戰文憑：2022 DSE中文科試後分析1 卷一甲部︰寂寞和相對寂寞的篇章
【明報專訊】2022 DSE中文科卷一閱讀，繼續與時間競賽，且看蒲葦如何分析此卷。 過去4年沒出的課文，如同失聯，今年終於捉中佔8分的... 詳情
相關新聞
