【Emily】幫手執防疫包 葉劉：物資唔夠 義工要等
[2022.04.01] 發表
【明報專訊】政府聽日起向全港市民派「防疫服務包」，多個政黨同社會團體連日動員幫手執「服務包」，新民黨議員葉劉淑儀前日亦有幫手，仲喺facebook出帖分享經歷，話自己雖然有啲「雞手鴨腳」，但樂在其中，不過中途就出現咗小插曲，義工包裝期間發現政府印嘅「抗疫指南」小冊子唔夠，變咗要「人等物資」。
葉太話，新民黨喺新界東北地區負責幾個包裝場地，招募過百義工，其中一站係大埔富亨邨體育館，前日佢開完立法會會議趕去幫手。佢話義工做法同政府包裝工序相若，每人有唔同分工，有啲負責貼貼紙、有啲就負責放入快測包，其他義工就放入兩大包口罩、連花清瘟膠囊等，最後放入「抗疫指南」小冊子，包好物資後打結便完成。
不過，葉太話可能義工效率太高，包好晒其他物資先發現唔夠小冊子，所以未能完成所有包裝，佢仲話聽聞類似情况喺多區發生，唔少義工早早完成手頭工作，可惜政府物資趕唔上，部分場地嘅包裝工作被迫停頓，只能提早收工。
更多港聞
【明報專訊】今年係《南海各方行為宣言》簽署20周年，公務員學院同外交部駐港特派員公署噚日舉辦第三場「國家外交事務系列」講座，由外交部邊界與海...
詳情
八大非本地生升4.6% 內地生續佔七成 嶺大副校：疫下傾向留亞
【明報專訊】大學近年積極推動國際化。根據教資會提供8間資助大學本學年（2021/22學年）非本地學生數據，八大暫錄20,389名內地和海外生... 詳情
調查：八成基層童「暑假」無活動 近九成盼回校上課
【明報專訊】全港學生正提前放「暑假」。關注學童發展權利聯席（關學聯）調查指出，八成基層家長在特別假期沒有為子女安排任何活動，其中83%稱沒有... 詳情
相關新聞
