【Emily】區外人密密求助 譚香文無資源拒幫
[2022.03.30] 發表
【明報專訊】唔少街坊有問題、有需要都會向區議員求助，但黃大仙區議員譚香文噚日喺facebook話，近日收到好多佢個選區「龍星區」以外嘅居民求助，甚至喺周日同夜晚打去佢本人嘅手提電話，但因資源同人手有限，即日起只處理龍星區嘅居民個案。譚香文解釋有3個原因，首先佢所屬嘅龍星區只係黃大仙25個選區之一，無額外資源服務成個黃大仙，第二係區議會各議員向來互不干涉各自選區事務，第三係自從區議員集體辭職後，民政事務處並無為留低嘅區議員增加資源。
「貼心」提供民主黨電話
不過，譚香文都好「貼心」，叫其他黃大仙居民直接向黃大仙民政處或其他政黨求助，仲提供埋電話，其中一個係民主黨總部電話。睇番區議會網頁，黃大仙區議會得番兩個區議員，除譚香文外，另一個係民協廖成利，區內無民主黨區議員。
油尖旺區前區議員李傲然就喺fb不點名話，有連任多年區議員兼有立法會參選經驗豐富嘅前輩，聲稱唔服務選區以外嘅選民，而佢自己會以「熱心市民」身分，在有限能力同無任何資源下，盡力解答區內街坊嘅查詢。
更多港聞
七成教師不撐4．19復課 教聯會調查：85％認為要看確診宗數
【明報專訊】全港幼稚園及小學最快下月19日復課，教聯會調查發現，71％受訪教師不支持相關安排；85％教師認為復課要視乎新冠確診宗數。教聯會主... 詳情
【明報專訊】2022年日內瓦國際發明展本月在網上舉行，來自25個國家及地區超過780項創科發明參展，前日公布評審結果，本港有多間大學奪獎。港...
詳情
相關新聞
