【Emily】長毛66歲牛一 老友隔空祝福
[2022.03.28] 發表
【明報專訊】社民連梁國雄(長毛)噚日喺獄中度過66歲生日，唔少民主派人士都有出帖遙送祝福。社福界前議員邵家臻就貼出長毛經常引用嘅「行無愧怍心常坦 身處艱難氣若虹」祝佢生日快樂。另一名前議員張超雄就貼出十年前邀請長毛去理大講課嘅相，落堂時仲有學生為長毛準備好生日蛋糕。
長毛嫂：佢精神OK
仍在獄中嘅社民連吳文遠亦一早錄定影片，話長毛係民主派初選案中最年長被捕者，雖然以前話過長毛坐監問題唔大，但始終20幾歲入獄同60幾歲入獄係兩回事，呼籲支持者寄信寄生日卡畀長毛。
Emily問過長毛太太陳寶瑩，佢話監獄重新畀探訪後，最近探過丈夫一次，佢精神都OK，𠵱家都係集中精神準備星期二立法會搶文件案重審宣判。至於長毛有無生日願望，陳寶瑩笑言因為探訪多講官司，無特別講，不過就話會同朋友慶祝長毛生日，再寄番啲相畀丈夫。
更多港聞
【明報專訊】第五波新冠疫情期間唔少人感染，坊間有人戲稱康復者好似經典電子遊戲「孖寶兄弟」咁食咗「星星」，有抗體「星星」，短暫唔怕再次感染。民...
詳情
【明報專訊】勞工處將於本周三、周四（30及31日）喺網上舉行「職場新機遇網上招聘會」，提供超過2500個職位空缺，主要包括物業管理、飲食業及...
詳情
相關新聞
