【Emily】身懷「抗體星星」 康復者聯盟出動派物資
[2022.03.28] 發表
【明報專訊】第五波新冠疫情期間唔少人感染，坊間有人戲稱康復者好似經典電子遊戲「孖寶兄弟」咁食咗「星星」，有抗體「星星」，短暫唔怕再次感染。民建聯立法會議員劉國勳今個月初成立「康復者聯盟」，當中唔少康復者加入幫手處理求助及上門派送物資。
劉國勳喺臉書分享話，根據佢觀察，「星星義工團」積極幫手，唔單止因為佢哋自覺風險較其他人低，更因為佢哋作為「過來人」，更加明白確診者嘅需要同埋焦急嘅心情。
本月初開設咗條抗疫專線嘅劉國勳話，高峰期曾經每日收到600宗求助，當時好難做到即日派送物資，好在有康復者加入，先提高派送效率，𠵱家累積咗超過7000多宗求助個案。不過無論有無「星星」，佢都好感激過百名義工個幾月以來幫手，一齊「打大佬」，同心抗疫。
更多港聞
【明報專訊】勞工處將於本周三、周四（30及31日）喺網上舉行「職場新機遇網上招聘會」，提供超過2500個職位空缺，主要包括物業管理、飲食業及...
詳情
【明報專訊】中學文憑試（DSE）暫定4月22日開考，嶺大教務處昨宣布推出為DSE考生而設的「嶺大．有傾有講」免費輔導服務，考生即日起至4月2...
詳情
相關新聞
