【Emily】勞處周三周四網上招聘會 空缺2500
[2022.03.28] 發表
【明報專訊】勞工處將於本周三、周四(30及31日)喺網上舉行「職場新機遇網上招聘會」，提供超過2500個職位空缺，主要包括物業管理、飲食業及零售業嘅職位。求職者需先登記成為勞工處互動就業服務用戶，屆時可以喺網上瀏覽空缺資料，然後提交網上申請。
網上招聘會喺星期三展開，到星期四下晝6點結束。勞工處表示，今次招聘會有54間機構參加，提供嘅職位類別廣泛，包括顧客服務經理、工程師、社交媒體及市場推廣主任、辦公室行政文員、廚師、保安員等；當中86%係全職空缺，大部分職位嘅月薪介乎1萬至2萬元，七成職位空缺毋須相關工作經驗，95%空缺嘅學歷要求係中六或以下。
除咗網上所登資料，網站屆時亦會提供有關僱主嘅電話，求職者如有需要可以致電了解空缺詳情。勞工處提醒，為免臨近截止時間出現線路繁忙，求職者記得盡早遞交申請。
更多港聞
【明報專訊】中學文憑試（DSE）暫定4月22日開考，嶺大教務處昨宣布推出為DSE考生而設的「嶺大．有傾有講」免費輔導服務，考生即日起至4月2...
詳情
相關新聞
