【Emily】盧寵茂：在家瞓喺度可貢獻香港 深港兩邊走 醫院辦公室「居家隔離」
[2022.02.22] 發表
【明報專訊】港大深圳醫院院長盧寵茂噚日出席團結香港基金網上論壇，成日喺深圳做嘢嘅盧醫生話，內地疫情爆發時，有句說話好流行，想帶番香港同市民講，「我從來冇諗過，喺屋企『躺平』，就係為國家作最大貢獻」。盧醫生呼籲市民，「如果無乜嘢，真係喺屋企『躺平』，呢刻社區好多病毒，需要大家合作，喺屋企瞓喺度，都可以為香港貢獻，呢個係好難得嘅機會。」
疫情期間不時深港兩邊走，盧醫生話，雖然佢到深圳可獲豁免喺指定酒店隔離，但每次都要喺醫院辦公室自我隔離3日，其間不可出房間，門外會貼上「居家隔離中」字條，避免有人誤闖入房，之後20日佢亦唔可以出醫院，醫院飯堂都唔可以去，因為食飯要除口罩。
反對港輕症送深圳 免增社區感染風險
早前立法會議員管浩鳴等建議送輕症感染者到深圳治療，盧醫生不點名話唔太贊成，因為運送病人期間會增加社區感染風險。
更多港聞
【Emily】點心車賣檢測棒 富臨職員：收入會入電腦
【明報專訊】唔少人近期搶購新冠病毒快速檢測包，網上就流傳相片，有酒樓「推車仔」賣快速檢測棒（圖），根據相中環境懷疑係富臨酒家，相中快檢棒標價... 詳情
【明報專訊】懲教署因為監獄有疫情，暫停探訪安排。民主派初選案被告劉頴匡嘅女友黃于喬（Emilia）話，已經半個月無得探男友，以往每日可見15...
詳情
【明報專訊】政府去年公布嘅《施政報告》提出發展北部都會區，中大香港亞太研究所嘅民調顯示，近半市民支持計劃，不過約57%受訪者擔心計劃造成政府...
詳情
相關新聞
