【Emily】中大民調：近半市民贊成北都 57%憂損財政
[2022.02.22] 發表
【明報專訊】政府去年公布嘅《施政報告》提出發展北部都會區，中大香港亞太研究所嘅民調顯示，近半市民支持計劃，不過約57%受訪者擔心計劃造成政府財政問題。過半受訪者認為，計劃長遠有助解決香港房屋問題(56%)，以及促進本港經濟發展(53.4%)。
民調喺上個月10至19日以電話調查形式，訪問咗706名18歲或以上市民，結果顯示49.1%人贊成或非常贊成北部都會區計劃，35.7%嘅人表示不贊成或非常不贊成。
北部都會區建議加強本港同深圳嘅合作連繫，近五成受訪者覺得呢個發展方向對個人無影響，約兩成人認為好處較多，約18%人就估計壞處較多。至於北部都會區同「明日大嶼」兩項大型建設計劃嘅取捨問題，最多人話兩個計劃都唔需要推行，佔29%；21.9%覺得兩者都需要；16.6%認為只需要搞北部都會區；只有4.2%人話只需要推行明日大嶼。
更多港聞
【明報專訊】教育局昨日公布在粉嶺北及古洞北的新發展區預留校地，分別興建兩間新校舍，供重置現有資助小學，原區及跨區都可申請，料最快2027年落...
詳情
相關新聞
