【Emily】探監停 劉頴匡女友收押所外「感受男友」
[2022.02.22] 發表
【明報專訊】懲教署因為監獄有疫情，暫停探訪安排。民主派初選案被告劉頴匡嘅女友黃于喬(Emilia)話，已經半個月無得探男友，以往每日可見15分鐘，現無法相見，唔知咁凍天氣下男友情况、獄中禦寒衣物夠唔夠。佢話𠵱家無乜可以做，噚日朝早忍唔住去荔枝角收押所門外望望，想感受一下牆內男友嘅存在。佢又話咁啱喺門外見到有救護車進出，「希望唔係任何一位有良心嘅人出事吧」。
曾入獄嘅立法會前議員邵家臻喺facebook上載天文台各區氣溫圖，話噚日凍到震，而監房所在地尤甚，如赤柱8至11度、荔枝角8至9度、喜靈洲8至9度、大欖8至10度、小欖7至9度、羅湖7至8度、塘福石壁8至9度、壁屋7至11度。佢話通常監房喺山腰或海邊，加上設計問題，「凍又凍過人，熱又熱過人」，遇上濕寒天氣，至少比牆外低兩三度。佢話一般嚟講，寒冷天氣警告下，懲教署會為囚友加氈，希望今次唔例外。
更多港聞
【明報專訊】政府去年公布嘅《施政報告》提出發展北部都會區，中大香港亞太研究所嘅民調顯示，近半市民支持計劃，不過約57%受訪者擔心計劃造成政府...
詳情
【明報專訊】教育局昨日公布在粉嶺北及古洞北的新發展區預留校地，分別興建兩間新校舍，供重置現有資助小學，原區及跨區都可申請，料最快2027年落...
詳情
相關新聞
