【Emily】點心車賣檢測棒 富臨職員：收入會入電腦
[2022.02.22] 發表
【明報專訊】唔少人近期搶購新冠病毒快速檢測包，網上就流傳相片，有酒樓「推車仔」賣快速檢測棒(圖)，根據相中環境懷疑係富臨酒家，相中快檢棒標價50元。Emily以顧客身分致電多家富臨集團分店，其中黃大仙嘅「富臨皇宮」同屯門嘅「富臨酒家」都表示有賣快速檢測包，每包一支檢測棒，索價60元。
屯門分店職員向Emily表示，檢測包其實係由集團提供畀酒樓員工做快速測試，以策安全，但因為近日少人返工，佢哋就將多出嘅快速檢測包賣畀有需要嘅食客，故只有小量供應，但無限額購買。職員強調收入會「入番電腦」，唔會呃公司錢，又話其他分店可能多人返工，所以無得賣。黃大仙分店嘅職員就話檢測包有「國家認證」，但唔肯講明產地。Emily繼續查詢時，職員突然話已售罄，之後掛斷電話。
更多港聞
【明報專訊】懲教署因為監獄有疫情，暫停探訪安排。民主派初選案被告劉頴匡嘅女友黃于喬（Emilia）話，已經半個月無得探男友，以往每日可見15...
詳情
【明報專訊】政府去年公布嘅《施政報告》提出發展北部都會區，中大香港亞太研究所嘅民調顯示，近半市民支持計劃，不過約57%受訪者擔心計劃造成政府...
詳情
相關新聞
