【Emily】幼兒委任狀上揮筆 區議員何華漢：已向徐英偉致歉
[2022.01.31] 發表
【明報專訊】噚日網上流傳一段影片，片中一名幼童坐喺嬰兒櫈上，手持原子筆，喺一張由民政事務局長徐英偉署名簽發畀「鄧麗玲」嘅「地區防火委員會委任證書」上來回滑動，片中未有清晰顯示幼童有無畫花證書(圖)。片段有一名男子喺鏡頭後話：「佢無得撈㗎啦，快啲影吓佢個名啦。」
翻查資料，葵青區地區防火委員會其中一名成員係民建聯社區主任鄧麗玲，其丈夫係九龍城區議員、建制派何華漢。Emily分別向二人查詢事件，何華漢以短訊回覆，表示對於網上流傳嘅不實信息無其他回應，又話佢本人十分支持及認同民政局長徐英偉嘅工作，已經就事件帶嚟嘅不便向對方澄清同致歉。
更多港聞
相關新聞
