【Emily】屋苑經理「死而復生」？ 出通告話自己「證實死亡」 其後救番
[2021.10.30] 發表
【明報專訊】有自稱沙田雲疊花園居民嘅網民噚日喺facebook貼咗好奇怪嘅管理處通告，其中一張話屋邨經理葉先生今個月14號「証(證)實死亡」，但同時又話同日晚上經消防等人用巨型呼吸機搶救48小時之後，又將葉經理嘅「性命救回」。而另一張通告又提到葉經理救得番，有心得分享，包括喺ICU唔使戴口罩，可以用head visar(應為head visor，面罩)，又話「家居人士可以使用搓手液清理臀部」。
心得：可用搓手液清理臀部
最奇怪嘅係，有網民發現兩張通告都有葉經理嘅簽名，咁究竟葉經理𠵱家有無事呢？
有網友留言話，雲疊花園管理處職員表示張通告係葉經理親自出，希望「講番康復過程中一啲想講嘅嘢」，對引起誤會只能講聲唔好意思，具體情况就要問番葉經理本人。
Emily聯絡發帖嘅網民，佢話噚日落樓無意中見到兩張通告貼咗喺大堂，但唔知之後通告有無搣走。
Emily打電話過去管理處嗰陣，對方就話「無可奉告」，只係透露葉經理𠵱家放緊病假。
更多港聞
【Emily】署任近9月 梅達明「坐正」監警會秘書長
【明報專訊】監警會秘書長俞官興之前約滿後唔續約，梅達明（圖）今年2月12日起署任秘書長一職，事隔近9個月，監警會噚日宣布梅達明下月1日「坐正... 詳情
【Emily】消防拍開合跳短片 籲關注保護兒童
【明報專訊】警務處發起「童行?同心」保護兒童計劃，舉行「開合跳挑戰短片比賽」。消防處噚日喺facebook上載參賽短片，hashtag「屯門... 詳情
【Emily】Ann姐退火線 話有嘢幫可繼續搵佢
【明報專訊】立法會選舉今日開始報名，民建聯4名議員退下火線，包括黃定光（象哥）、蔣麗芸（Ann姐）、梁志祥（祥哥）和柯創盛（柯仔）。Ann姐... 詳情
相關新聞
