【Emily】「淨係做鍾意嘅嘢」 「薯片叔叔」無諗特首選舉
[2021.10.26] 發表
【明報專訊】下屆特首選舉唔夠半年就舉行，2017年選過特首嘅前財政司長曾俊華噚日同傳媒茶敘，被問到下任特首要符合咩要求、有無心水人選、支唔支持林鄭月娥連任，曾俊華都話自己太多嘢做，無諗呢啲問題。至於自己會否參選，佢話離開政府後揀選工作嘅條件包括同年輕人、科技有關，同埋工作成果有社會使命同顛覆作用，形容自己「同以前唔同㗎喇，𠵱家淨係做自己鍾意做嘅嘢」。
曾俊華2018年創辦「薯片叔叔共創社」，願景之一係重塑教育。曾俊華噚日拋出唔少改善教育嘅意念，例如提到外國有科技巨擘招聘時唔理求職者有無大學學位，但會提供課程持續訓練員工，「我哋真係要諗係咪需要再讀大學呢？」
「薯片叔叔共創社」下月初舉辦全球教育科技峰會，將有12個嚟自本港、以色列、加拿大等地嘅教育科技企業參加，當中有企業開發硬件同軟件，畀學生喺屋企都做到科學實驗。薯片叔叔話，希望共創社為呢啲企業提供網絡，幫佢哋搵投資伙伴。
更多港聞
港隔20年發現新珊瑚 浸大團隊命名大杯筒星珊瑚 另覓新海蛞蝓
【明報專訊】本港石珊瑚種類豐富，已記載的造礁珊瑚有84種，非造礁珊瑚有14種。浸會大學生物系教授邱建文及團隊在本港水域發現新珊瑚物種，並命名... 詳情
【明報專訊】教育局昨向學校發通告，公布2022至24年度（即2024年文憑試屆別）的應用學習（ApL）詳情，適用明年9月的中五生。教育局共批...
詳情
相關新聞
