【Emily】元朗區會補選副主席 泛民3人「變節」 建制鄧賀年勝選
[2021.08.25] 發表
【明報專訊】元朗區議會噚日補選因民主派麥業成辭職而懸空嘅副主席位，當然議員、鄉事派鄧賀年(圖)喺建制派推舉下取得12票，擊敗獲9票嘅民主派陳詩雅。目前元朗區議會共有24人，建制派佔12席，非建制派就有「11+1」人，即11名民主派加熱血公民王頴思。噚日投票時所有區議員在席，而令陳詩雅落敗嘅關鍵3票，可能係投棄權或白票嘅3名非建制派。
如果當時兩派嘅參選人票數一樣，就會抽籤決定，結果唔使。由於噚日投票不記名，究竟邊個投咗棄權或白票呢？政圈議論紛紛，元朗區前區議員林進就形容12名非建制派中「有3個人變節」，呼籲其他投有效票嘅區議員明確交代投票意向。
林進：區議員應交代投票意向
林進強調唔係「捉鬼」，但直斥有人「叛變」，將副主席一職拱手相讓畀建制派，要求區議員解釋，話呢件事絕對唔可能蒙混過關，「我寧願以後只得9位民主派議員，都唔想與狼為伴」。
有份和議提名陳詩雅嘅元朗區議員張秀賢就話，對於「走票」事件深感遺憾，向所有支持者致歉。佢自認已經盡咗作為民主派嘅本分。
陳詩雅就回覆Emily話對落選副主席冇失望，認為自己年資較淺，會令部分區議員同事有憂慮。
更多港聞
【Emily】肥尹獄中變Fit尹 勸牆外「不需硬碰」
【明報專訊】民主派初選案仍有34名被告還押，至今約半年，包括民主黨尹兆堅。阿尹噚日透過facebook管理員出post話，喺獄中勤做運動同節... 詳情
【Emily】盧煜明獲英「皇家獎章」 看齊達爾文
【明報專訊】有「無創產前檢查之父」之稱嘅中文大學醫學院副院長（研究）盧煜明（圖），獲頒英國皇家學會2021年生物學科「皇家獎章」，係獎項成立... 詳情
【明報專訊】立法會財委會喺建制派主導下打算修訂《財委會會議程序》，早前向委員諮詢第一批修訂，噚日有結果，41個委員中有39人回應，大部分支持...
詳情
相關新聞
