【Emily】區議員搞「屋苑管理不善」攝影賽

[2021.08.25] 發表

【明報專訊】區議員不時接獲街坊投訴屋苑管理公司，民主黨沙田區議員冼卓嵐近日搞咗個攝影比賽，叫街坊影低區內屋苑管理不善嘅例子，希望畀壓力管理公司，令對方改善服務質素。

冼卓嵐：盼施壓管理公司改善質素

阿嵐仲畀咗個例子參考，佢見到邨內一棵樹上貼咗警告標語，叫人小心有樹葉跌落，英文寫「Leaves Felling Ahead」，阿嵐話對方串錯字，應該係「Falling」先啱。

阿嵐早前用電子消費券買咗阿布泰嘅現金券，打算用嚟做今次比賽嘅獎品，話係幫政府「還富於民」，冠軍作品會由網民一人一票投出。攝影比賽今個月底截止，阿嵐話已收到十幾份參賽作品，有街坊影到有大廈大堂嘅假天花跌咗落嚟，露出帆布，阿嵐話之後都會要求管理公司跟進。

更多港聞

【明報專訊】有「無創產前檢查之父」之稱嘅中文大學醫學院副院長（研究）盧煜明（圖），獲頒英國皇家學會2021年生物學科「皇家獎章」，係獎項成立... 詳情

【明報專訊】立法會財委會喺建制派主導下打算修訂《財委會會議程序》，早前向委員諮詢第一批修訂，噚日有結果，41個委員中有39人回應，大部分支持... 詳情