【明報專訊】中西區區議會財委會噚日開會通過動議，話明日後由中西區區議會撥款�麍※吽A唔會邀請中聯辦代表做嘉賓。泛民話唔可以再畀建制派團體用公帑辦活動，再請中聯辦代表做嘉賓「擦鞋」，變相容許中聯辦干預香港內務。港府噚晚高調發聲明，話要「澄清中聯辦在港職能」，強調中聯辦應邀出席本港活動同典禮儀式，係履行職能，實屬正常。

中西區會通過撥款活動唔邀中聯辦

動議由民主黨甘乃威同伍凱欣提出，甘威話基本法訂明中央人民政府各部門不得干預特區內務，話左派團體用公帑辦活動，再請中聯辦代表做嘉賓，係畀中聯辦干預香港內務，席間好多民主派區議員認同說法。該區民政事務專員黃何詠詩話，過去區會活動都有請中聯辦代表，睇唔到係干預香港自主。

政府噚晚高調發聲明，話中聯辦係中央政府派駐香港�嚝鷚c，主要職能包括聯繫香港社會各界，增進內地同香港交往，所以中聯辦應邀出席本港�麍※呇P典禮儀式，係履行職能，實屬正常。