【明報專訊】由落選建制派區議員成立嘅「議會監察」喺社交網站上，批評公民黨譚文豪(Jeremy)喺疫情嚴峻時仲搞聯歡晚宴，形容Jeremy係搞「鴻門宴」。不過，Jeremy即時澄清有關活動已取消，斥「議會監察」只係識用舊海報作假新聞，「在任嘅時候唔做嘢，選輸咗就喺度抹黑……你哋輸真係應分㗎」。 議會監察喺fb展示一張Jeremy搞「聯歡晚宴」嘅海報，海報指晚宴會喺3月6日周五舉行；批評Jeremy 疫情仍然咁嚴峻仲大排筵席，質疑Jeremy「一直在玩命」。Jeremy旋即澄清，話活動早喺1月已宣布取消，反斥呢班落選建制派區議員作假新聞，連嗰丁點公信力都無埋，仲話唔好以為改名叫「議會監察」就識監察。唔少網民亦喺議會監察專頁留言，話Jeremy喺1月已經通知街坊取消晚宴，嘲議會監察做嘢都「幾快」，「遲咗足足個幾月先出圖」。
|
| |
| |
;)
