長毛變乖豬 為拉布唔敢掟嘢
[2016.02.25] 發表
【明報專訊】社民連議員梁國雄(長毛)過去都會趁財政司長曾俊華喺立法會宣讀《財政預算案》時，喺會議廳內示威、叫囂或者掟示威物品，通常都會被立法會主席曾鈺成趕出會議廳。不過，長毛噚日竟然由「搗蛋鬼」變成聽話「乖豬」，全程坐定定喺自己個位，只係會議開始時一度離開座位，打算將道具天秤放喺曾俊華面前，但一聽到曾鈺成警告，就乖乖哋坐番好。
長毛會前已經解釋點解唔示威，因為佢需要出席宣讀《財政預算案》後嘅立法會續會，為《版權條例(修訂)草案》拉布，所以唔可以被人趕離場呀。
更多港聞
校委守則只列「利益衝突離場」 校委柯天銘﹕逐馮敬恩加劇兩極
【明報專訊】香港大學本科生校委馮敬恩前日於校委會會議上，因拒絕簽署不採取行動影響校委或相關者安全的承諾書，校委會投票大比數通過要求他離開。民... 詳情
相關新聞
