【Emily】AR體驗巴黎聖母院重生 睇倖存雕塑歷史場景 西九展覽至3月7日

巴黎聖母院嘅尖塔喺2019年嘅大火中被焚毁。參觀者可以透過西九呢個展覽，了解聖母院喺經歷大火後嘅修復過程。（李紹昌攝）

參觀者用大會提供嘅觸控平板電腦，可以沉浸喺多個盛大嘅歷史時刻，例如拿破崙嘅加冕典禮。（李紹昌攝）

【明報專訊】喺2019年經歷火劫嘅巴黎聖母院，經過5年修復，會喺嚟緊嘅禮拜日重新向公眾開放。香港市民如果唔能夠第一時間去巴黎朝聖唔緊要，西九文化區當日起會有一個「浴火重生——巴黎聖母院擴增實境沉浸式體驗展」，號稱運用沉浸式擴增實境(AR)技術，將觀眾瞬間「送」到巴黎聖母院。主辦方Visionairs話，展覽以史實為本，還原聖母院12世紀至今800幾年嚟嘅歷史變遷，及大火後嘅修復過程。

提供平板電腦沉浸式觀賞

主辦方噚日舉行傳媒導覽畀大家先睹為快，訪客可透過大會提供嘅觸控平板電腦，沉浸喺多個盛大歷史時刻，例如亨利四世國王嘅奢華婚禮、拿破崙嘅加冕典禮，以及19世紀維歐勒．勒．杜克(Viollet-le-Duc)設計嘅聖母院尖塔建造過程。展覽亦會展出多件文物同AR重現嘅聖母院歷史場景，包括石像鬼複製品、大火中倖存嘅玫瑰窗投影同雕塑，以及聖母院管風琴及鐘聲嘅環繞音效。

呢個展覽已喺巴黎、迪拜、蒙特利爾同上海等19個城市巡展，累積超過75萬人次參觀，而西九嘅展覽會去到明年3月7日。門票現已可於官網預訂。

順帶一提，西九展場係Visionairs設立嘅首個永久展覽場地，佢哋並預告出年3月推出結合VR技術嘅「揭秘圖坦卡門：埃及傳奇」展覽。

更多港聞

【Emily】社工穗交流 局長派「任務」

【明報專訊】由立法會議員管浩鳴牽頭成立嘅香港社福界心連心大行動今年先後舉辦內地交流團，頭兩團去潮州同韶關，今次就去廣州。一連3日嘅「香港萬千... 詳情

【Emily】體院新設施大樓啟用 李家超與運動員試用

【明報專訊】香港體育學院新設施大樓噚日舉行啟用禮，其設備大大提升。主禮嘅特首李家超同運動員交流及試用設施，仲見到空手道運動員鄧宇軒。李家超話... 詳情

【Emily】海洋公園六福IP曝光 玩轉冬日園多打卡位

【明報專訊】海洋公園𠵱家有6隻大熊貓，公園要靠佢哋吸人流及生財， 推出以6隻大熊貓為設計靈感嘅新IP圖案「Panda Things！」。公... 詳情

【Emily】1．3冬日保齡嘉年華 試玩體育園新球道

【明報專訊】啟德體育園設有嘅啟德零售館預計年內落成，香港保齡球總會聯同多個機構率先喺明年1月3日於館內嘅保齡球中心舉辦嘉年華，畀10至18歲... 詳情

中學考察團增3款 赴川可訪熊貓基地

【明報專訊】教育局近年鼓勵學校多赴內地交流。教育局昨致函全港中學，公布「中學生主題式內地交流計劃」下新增3款交流學習團，其中「重慶、四川歷史... 詳情