【Emily】YMCA搞精神健康填詞賽 黃綺琳做評判
[2024.11.09] 發表
【明報專訊】香港中華基督教青年會(YMCA)嘅義工計劃「YM Volunteer」今年推出《心．聆歌詞》填詞比賽，將廣東歌結合精神健康教育，希望以歌詞同音樂作品傳遞自我照顧、相伴同行嘅信息，喺社會傳播希望。填詞比賽正接受報名，由《填詞L》導演黃綺琳同精神科專科醫生陳啓泰擔任評審，總冠軍仲可以獲得歌曲發行機會。
總冠軍可錄歌製MV發行
比賽分為「YM Volunteer組」同「公開組」，前者為青年義工而設，仲可以參加兩場有關精神健康同填詞嘅工作坊，其中填詞入門工作坊由黃綺琳擔任導師；後者就歡迎年滿15歲嘅人參加。
YMCA話總冠軍作品可得到專業錄音、製作MV、喺Busking Night演出同歌曲發行機會。另設分組冠、亞、季軍，得獎者將獲得音樂禮券同獎座。有興趣參加公開組嘅市民可透過以下連結登記(bit.ly/samlingsong)，大會將會喺11月中電郵發放比賽原創歌曲同參賽表格畀成功登記者，12月31日截止提交作品。
更多港聞
【明報專訊】噚日立法會財委會審議喺古洞北新發展區興建4層高公眾街市嘅議程，原定毋須再討論，但會議開始時多名議員要求發言，主要關注成本太高但人...
詳情
【Emily】陳月明「請纓」幫申請 鐵皮屋戶原區搬過渡房
【明報專訊】新界鄉郊仍有唔少人住喺鐵皮屋，打鼓嶺鄉委會主席兼立法會議員陳月明，早前協助打鼓嶺木湖村黃氏兩口申請過渡房屋，噚日正式搬入同區嘅「... 詳情
【Emily】穿越到2099 挖「小店化石」考古
【明報專訊】社區保育議題看似老生常談，有冇諗過可以穿越未來探討？浸大視覺藝術院助理教授黃詠珊及陳家智與南豐集團合作，即日起至12日喺啟德AI... 詳情相關新聞
