【Emily】介紹陸港美景專題片 立會大屏幕循環播
[2024.11.07] 發表
【明報專訊】Emily喺9月底報道過，環境及生態局長聯同國家生態環境部宣傳教育中心製作咗《遇見美麗中國》和《美麗香港》系列專題片，介紹內地及香港生態環境，例如香港嘅美麗海灣同珊瑚。不過，可能唔係好多人知道有啲咁靚嘅短片睇，喺環境及生態局YouTube頻道，美麗香港海灣短片推出逾一個月，頻道內只有1600次收看，頻道內嘅遇見美麗中國嘅影片，收看率仲低啲。不過，大家以後如果去立法會，就可以喺大樓內嘅LED大屏幕睇到有關短片，因為由噚日起，大屏幕會盡量循環播放呢批專題短片。
上載YouTube逾月 海灣短片1600次收看
立法會噚日就安排一眾議員喺大樓觀看短片。立法會主席梁君彥話，世界級桌球大師奧蘇利雲決定移民香港，其中一個重要原因都係話被香港嘅自然美景吸引。梁主席話，國家及香港有好多自然生態，值得大家多發掘、珍惜。
佢又話，立法會非常支持政府和各界人士多同內地當局合作，善用嶄新科技，製作更多高質量專題片，說好國家和香港自然生態故事。
更多港聞
【Emily】美領館模擬大選投票 賀錦麗「贏咗」
【明報專訊】美國大選大致塵埃落定，美國駐港澳總領事館噚日上晝喺外國記者會（FCC）舉辦觀選派對，邀請學生、本地政界同其他外國領事參加，現場設... 詳情
【明報專訊】唔少人平時都會透過外賣平台叫外賣，工聯會立法會議員黃國噚日提出書面質詢，關注有公屋經常鎖押外賣速遞員嘅電單車，建議增設「外送專用...
詳情
【Emily】離任在即 四圍搵食 日領事跟黃家和學冲奶茶
【明報專訊】日本駐港總領事岡田健一即將離任返日本，喺香港工作期間，佢周不時四圍搵食，臨別在即，星期一佢就去咗搵香港餐飲聯業協會會長黃家和，唔... 詳情
稱八大中最密 理大申放寬限高 引述教資會謂欠6.4萬平方米樓面 要配合科研
【明報專訊】理工大學擬向城規會申請放寬主校園的高度限制，由現時主水平基準以上45米，增一倍至主水平基準以上90米。理大校園發展處總監劉文彪日... 詳情相關新聞
