【Emily】故宮館法國服飾展 莫文蔚三語導賞 近400件首訪亞洲 最老逾250年
[2024.06.14] 發表
【明報專訊】香港故宮文化博物館今個月底將推出全新特別展覽「法國百年時尚——巴黎裝飾藝術博物館服飾與珠寶珍藏，1770-1910年」，展出近400件18世紀末至20世紀初嘅法國服裝、珠寶配飾。今次展覽邀請咗時尚風格百變嘅歌手演員莫文蔚(圖)錄製「星」音導賞，帶領觀眾了解法國時尚百年嚟嘅演變，同埋服飾對身體形態嘅塑造，仲會分享佢最喜愛嘅珍品，為大家娓娓道來法國時尚歷史故事。
展覽合辦方之一嘅巴黎裝飾藝術博物館擁有法國最重要嘅時裝收藏，今次展覽幾乎所有展品都係首次喺亞洲展出，部分甚至從未喺巴黎或法國以外展出，展覽結束後會送返法國。率先亮相嘅重點展品包括一件18世紀法國女性貴族宮廷禮服，由外袍、長裙、三角胸衣組成，附以金絲、銀線及蕾絲點綴，係今次展覽其中一件歷史最悠久嘅展品。
至於由莫文蔚錄製嘅語音導賞設廣東話、英語及普通話共3種語言，觀眾可透過館內語音導賞設備或自備智能手機現場收聽，亦可以去博物館網站重溫。展覽由今個月26日至10月14日開放，特別展覽成人門票票價150元，適用於小童等嘅特惠門票就75元，另設特別套票。
更多港聞
【Emily】田北辰「飄移」批垃圾徵費 梁君彥喊停
【明報專訊】立法會噚日舉行特首答問會，「新質生產力」係討論主題之一。實政圓桌田北辰發言時話綠色技術亦係「新質生產力」，趁機批評政府未做好回收... 詳情
【明報專訊】反修例風波5年前爆發，當年引發政府修訂《逃犯條例》嘅台灣殺人案疑犯陳同佳仍然身在香港。一直協助陳同佳嘅立法會選委界議員管浩鳴噚日...
詳情
【Emily】政總設兩日捐血站 盧寵茂率醫局響應
【明報專訊】今日係世界捐血者日，醫務衛生局長盧寵茂同副局長李夏茵噚日以身作則，帶領局方一眾同事齊齊捐血。盧寵茂話，近期連日落雨令香港紅十字會... 詳情
【明報專訊】「賽馬會智家樂計劃」團隊噚日發布一項有關疫後香港家庭幸福指數嘅問卷調查結果，58%受訪者自評有7至10分（滿分係10）。調查發現...
詳情
【明報專訊】「對角行人過路處」年初率先喺沙田試行，市民可以合法打斜過馬路。噚日中西區同屯門區議會有議員提議喺當區幾個路口設對角過路處，其中中...
詳情
相關新聞
