【Emily】林定國訪中東 送「律政司大樓」做禮
[2024.05.22] 發表
【明報專訊】律政司長林定國率領香港法律界等代表去咗中東交流，行程除咗見當地法律機構及開會，亦有輕鬆一面。林定國噚日結束沙特嘅訪問，抵達阿聯酋嘅阿布扎比，乘機去咗當地嘅羅浮宮參觀。林定國做旅遊大使，話羅浮宮令大家立即聯想到法國，但其實中東都有阿布扎比羅浮宮，裏面仲有大量珍貴展品。佢話訪問團成員趁機感受下國際藝術氣息，大家仲喺博物館打卡留念。
林定國話今次出訪準備咗以律政司主要辦公嘅大樓外貌同門外大樹為主題嘅紙藝紀念品，送畀中東朋友。律政司辦公大樓即係「舊政府總部」中區政府合署，後來改為律政中心，不變嘅喺門外嘅古老紫檀樹，已經有170歲。
更多港聞
【明報專訊】中學文憑試（DSE）喺7月17日放榜，教育局噚日推出「中六學生資訊專頁」（www.edb.gov.hk/s6） ，提供有關多元出...
詳情
相關新聞
