【Emily】大埔墟站裝完幕門 東鐵第5個
[2024.05.22] 發表
【明報專訊】港鐵舊年5月開始為東鐵線13個車站安裝月台幕門，目標兩年內、即係出年全線完成。一年過去，進度係點呢？港鐵噚日公布，最新累計有5個車站已經完成閘門安裝工程，繼馬場、落馬洲、上水及沙田站後，大埔墟站月台幕門噚日全部裝晒並投入服務。
4站裝緊 目標今年搞掂
港鐵話，太和站嘅月台幕門工程亦即時展開，連同大圍、粉嶺及火炭站，目前有4個車站同時做緊工程。不過，除咗火炭站因為有備用月台，可以喺日間做工程之外，其餘3個車站就只可以喺夜晚收車後「黃金兩小時」安裝。港鐵話呢4個車站嘅工程會以今年內完成為目標，而裝緊幕門期間，會繼續派月台助理維持秩序同協助有需要乘客，密切監察月台情况，盡量避免意外發生。
更多港聞
【Emily】林定國訪中東 送「律政司大樓」做禮
【明報專訊】律政司長林定國率領香港法律界等代表去咗中東交流，行程除咗見當地法律機構及開會，亦有輕鬆一面。林定國噚日結束沙特嘅訪問，抵達阿聯酋... 詳情
【明報專訊】中學文憑試（DSE）喺7月17日放榜，教育局噚日推出「中六學生資訊專頁」（www.edb.gov.hk/s6） ，提供有關多元出...
詳情
相關新聞
