【Emily】愚人節前日辦全民反詐騙
[2023.11.18] 發表
【明報專訊】虛擬資產交易平台JPEX懷疑串謀詐騙案9月起受全城關注。協助JPEX案受害人嘅立法會選委界議員吳傑莊，噚日宣布成立民間組織「反詐騙大聯盟」，希望促進政府部門同民間合作，推廣防騙意識。吳傑莊話，將會喺明年3日31日、即係愚人節前一日舉辦「全民反詐騙日」，透過大型活動傳遞防騙信息，希望市民唔好受騙。
「反詐騙大聯盟」有多名聯合發起人及成員，包括曾任保安局長嘅新民黨黎棟國、前一哥鄧竟成、特首政策組經濟發展專家組顧問黎永良、港區人大代表朱立威、身兼元朗區議會主席嘅港區人大代表沈豪傑。聯盟會設立嚟自唔同界別嘅顧問團，包括法律專業人士、科技專業 、虛擬資產持牌機構等。
聯盟包括人代政協 研偕中央協作
本身係全國政協嘅吳傑莊提到，聯盟成員包括人代同政協，會研究提案或建議方法，同中央協作打擊跨境騙案；而由於唔少騙案受害人係專業人士，大聯盟初步目標走訪100個專業機構宣傳防騙。另外立法會今個月29日將討論吳傑莊提出有關防騙策略嘅議員議案，黎棟國就希望好似打預防針咁，畀市民喺最短時間內識別到詐騙手法，以防中計。
更多港聞
【明報專訊】噚日中大亞太研究所發表最新一份民意調查，特首李家超同3位司長最新嘅整體表現評分都唔及格，其中李家超嘅評分係47.9分（滿分為10...
詳情
【Emily】港灣消防局13億重置 何君堯質詢3輪
【明報專訊】立法會財委會噚日通過逾13.1億元撥款，重置位於灣仔嘅港灣消防局去分域碼頭街及龍合街交界用地，以騰出用地推進灣仔北重建項目。選委... 詳情相關新聞
