【Emily】港灣消防局13億重置 何君堯質詢3輪

立法會財委會噚日通過逾13.1億元撥款重置港灣消防局，投下反對票�嚙鴭e界議員何君堯不滿處方未能提供標書資料，並問到「咁今日投唔投票」，財委會主席陳振英隨即提醒「投唔投票好似係我決定，唔係你話」，引起在席議員哄堂大笑。（立法會直播截圖）

【明報專訊】立法會財委會噚日通過逾13.1億元撥款，重置位於灣仔�鼢鞄W消防局去分域碼頭街及龍合街交界用地，以騰出用地推進灣仔北重建項目。選委界議員何君堯發言�鶧}，不滿消防處未能提供標書資料，副消防總長(機構策略)鄧榮華解釋，資料由財庫局負責，其後會書面詳細補充，何君堯隨即問「咁今日投唔投票？」被財委會主席陳振英提醒「投唔投票好似係我決定，唔係你話」，引起議員哄堂大笑，何連忙解釋「我無意僭越權力，只係提出問題」。

何君堯�鷊|上有3輪質詢，其中一輪提到新消防大樓共10層，只有3層半係消防用途，質疑係咪有必要「左屋搬右屋」；又話將來如果交通擠塞，屆時有無幾十個消防員「好似日本仔，帶埋竹架去現場救住火先」，又認為應提供水桶車做應變。鄧榮華解釋，已透過模擬系統推算，確定重置後處理火警同緊急召喚服務水平同現時相若。最終何君堯投下唯一反對票，撥款獲得通過。