【Emily】外賣走塑計劃返嚟喇！
[2023.11.18] 發表
【明報專訊】環保署同環境運動委員會籌辦嘅第三屆「外賣走塑 餐具先行」運動今日開始，為期5個幾月，市民出年4月30日前喺超過750間參加嘅食肆買外賣，每次走即棄餐具或容器就有印花，如果幫襯嘅食肆亦有參加「咪嘥盒食店」，仲可額外多一個印花。
集齊指定數量嘅印花，就有得換部分食肆嘅獎賞如小食、飲品或折扣券；亦可以用「走塑有賞」App將印花轉為「綠綠賞」積分或電子禮券，喺「綠在區區」環保站或回收便利點換領可重用餐具套裝或日常品。
走塑運動噚日舉辦啟動禮，環保署話係為出年第一階段管制即棄膠餐具前做「熱身」，環境及生態局長謝展寰話，先行計劃已有750間餐廳響應，首兩屆已減240萬套即棄餐具。
更多港聞
【Emily】港灣消防局13億重置 何君堯質詢3輪
【明報專訊】立法會財委會噚日通過逾13.1億元撥款，重置位於灣仔嘅港灣消防局去分域碼頭街及龍合街交界用地，以騰出用地推進灣仔北重建項目。選委... 詳情相關新聞
