【Emily】法官鄧國楨勉同行「唔一定局限香港」
[2023.10.21] 發表
【明報專訊】外界經常將香港同新加坡相提並論，包括兩地喺區內法律樞紐同仲裁中心嘅角色。終審法院非常任法官鄧國楨(圖)勉勵法律界同行，話香港律師都唔一定局限喺香港工作，例如可以去新加坡或其他仲裁中心試吓。鄧官又話，內地有識之士都清楚，內地仍需要嚟自香港有經驗同獨立嘅律師。
話港法律人才難取代
鄧官噚日喺香港仲裁周同香港法律界步行日活動話，香港作為法律樞紐，最難取代就係法律人才，加上全球頂尖律師行都喺香港設分行，只要繼續壯大法律界，香港地位得以保持。
講到同終院海外非常任法官共事，鄧官話非常任法官都好勤力，睇晒全部文件，其中華學佳(Lord Robert Walker)連相關判辭嘅註腳同引述案例都睇晒。
轉任非常任法官後嘅鄧官現時擔任仲裁員，佢笑言以往夾時間、回覆來函等都有事務律師或聆案官幫手，𠵱家就要親力親為，30幾年都未試過。對比仲裁同上庭，佢話兩者唔相同，法庭比較多唇槍舌劍，仲裁比較清楚、比較少意外結果，壓力亦相對無咁大。
更多港聞
【Emily】林健鋒生日飯局變「討論生育飯局」
【明報專訊】經民聯立法會議員林健鋒喺23號生日，黨友噚日提早同佢慶祝72歲生辰。林健鋒被問到有乜生日願望時，梁君彥即插嘴話「佢想攞2萬元。打... 詳情
【Emily】「香港自然十景」評選 萬宜柱石第一
【明報專訊】團結香港基金成立嘅香港地方志中心為配合《香港志》出版，早前舉辦「香港自然十景評選」，由市民、旅客經網上選出最能代表香港嘅自然景觀... 詳情
【Emily】何永賢做「熒光瑜伽」 撐屋邨夜繽紛
【明報專訊】房屋局長何永賢（中）噚晚到九龍灣啟業運動場出席「螢光城市探索啟動禮」，著熒光粉紅上衣嘅佢同參加者一齊戴住熒光手環做瑜伽。除咗落場... 詳情相關新聞
