【Emily】宣傳照被指似屯馬線 英國鐵路刪帖
[2023.08.12] 發表
【明報專訊】英國鐵路(National Rail)噚日喺facebook發帖宣傳，話乘客用手機就可以計劃行程，知道列車幾時到站及開出，更重要係邊個車廂有廁所。不過，帖文所用嘅相片更加引來注意，相中一個亞裔女子企喺列車門旁用手機，背景拍攝到少少車廂內櫳，唔少懷疑係港人嘅網民留言話車廂好熟面口，疑似係香港屯馬線嘅列車，有留言更直指相片顯示嘅係港鐵車廂，叫英國鐵路方面睇清楚。
網民改歌「屯馬線延至英國真的興奮」
帖文引起大批網民留言，有網民將網絡歌曲「屯馬開通真的很興奮」改做英文版「Tuen Ma...extended to UK...Really so excited」(屯馬線延至英國真的很興奮)。睇番張相，無論係車外或車內都唔係睇得好清楚，但正當網民熱烈留言討論之際，英國鐵路喺香港時間噚晚已將帖文下架，原因係乜就唔清楚。
翻查資料，原來港鐵雖然植根香港，但一直都有參與海外業務，包括瑞典、澳洲及英國等，其中喺2014年7月獲得倫敦Crossrail(伊利沙伯線)嘅列車服務專營權，亦喺2017年開始營運英國西南部鐵路。
更多港聞
【Emily】習回信港生「分享會」 特首：意義重大
【明報專訊】喺新政治形勢下，每逢國家主席習近平有重要涉港舉措或言論，官方或民間之後都舉辦唔少「學習會」、「分享會」。早前習近平向培僑中學高一... 詳情
【Emily】PMQ童創節 小朋友設計遊戲教埋你玩
【明報專訊】由「創意香港」贊助嘅創意教育項目PMQ Seed今日起舉辦「童創節」，至20日（周日）結束，主題為「Kids Connect童友... 詳情
【Emily】M+「希克藏品：別傳」9?22開
【明報專訊】M+博物館宣布，希克藏品第二個展覽「M+希克藏品：別傳」，下月22日喺希克展廳向公眾開放。根據M+博物館形容，今次會以中國藝術家... 詳情相關新聞
