【Emily】30「少年太空人」赴京受訓 期待「火星營」
[2023.07.26] 發表
【明報專訊】30個「少年太空人」會喺星期六(29日)出發去北京，展開8日7夜嘅太空體驗營，噚日就舉行出發儀式，30個同學仔齊齊著住中國太空人嘅藍色工作服宣誓。香港太空館館長何萬雄話，體驗營喺疫情期間停咗3年，今年復辦亦新增景點。近兩年火星探索成為航天界熱話，行程加咗青海冷湖火星營地，各位「少年太空人」可以了解接近火星嘅環境。
疫下停辦3年 有人最想去莫高窟
唔少同學仔最期待新增嘅火星營地，下學年升讀中六嘅魏耀東期待可以間接體驗火星環境。將升中五嘅陳樂桐就期待喺營地觀星，話知道當地海拔2700米，多數係晴天，相信觀星體驗一定好唔錯。不過，將升中三嘅呂沛盈話自己最期待參加VR體驗活動，了解太空人喺太空點樣工作同生活，而將升中二嘅李逸龍就最想參觀敦煌莫高窟，話之前只可以喺中史書見到啲相，希望今次可以親身體會莫高窟嘅雄偉。
「少年太空人體驗營」由康文署同香港中華總商會合辦，今年係第十二屆。何萬雄話今年報名人數同2019年相若，總共有161個學生報名，經過問答比賽、西貢營前集訓同面試3輪甄選，最後揀咗30個新學年升讀中二至中六嘅學生，包括18男12女。第二輪集訓歷時三日兩夜，係唔少團員難忘嘅甄選記憶，當中陳樂桐就話學到團隊合作嘅重要性，仲話自己當時帶隊行錯路，但好彩隊員冇嘈交，亦都堅持到行完全程。
更多港聞
【Emily】網傳聲明或離婚 容海恩：唔係我寫
【明報專訊】警方國安處通緝8個涉嫌犯咗《港區國安法》、身在海外嘅民主派人物，佢哋部分家屬近日畀國安處帶走助查，包括立法會議員容海恩（圖）同佢... 詳情
【明報專訊】專責反修例案件嘅律政司「特別職務組」今年5月因為內部人事調整而「消失」。Emily最近睇番政府電話簿同律政司架構圖，原來律政司增...
詳情
【明報專訊】立法會噚日邀請公眾就中大校董會改組嘅條例草案表達意見，有興趣嘅人或團體可以喺下星期一（31日）下晝5點或之前提交網上表格同意見書...
詳情
相關新聞
