【Emily】女球手拍「溫情片」撐高球場 「多珍貴動植物，有友善嘅村民」
[2023.06.21] 發表
【明報專訊】粉嶺高球場收地建屋爭議鬧得熱哄哄，近日城規會舉行嘅3場公聽會，就不斷有同高球會有關嘅政商名人發言，以體育發展、環保、歷史等理由反對建屋。高球會最近仲幫職業高爾夫球手陳芷澄Tiffany拍咗條片，Tiffany喺片中表達咗反對破壞高球場嘅意見。
Tiffany噚日喺IG上載咗條兩分幾鐘嘅片，仲喺留言話自己強烈反對(strongly oppose)破壞高球場。喺片入面，Tiffany話自己7歲已經嚟粉嶺高球場睇波，2016年更喺呢度贏咗女子公開賽，取得奧運資格。佢形容粉嶺高球場「有種好特別嘅氣氛」，有好多珍貴動植物，亦有友善嘅村民，任何人都可以過嚟做運動同感受大自然。喺片尾，仲有個細路女拖住Tiffany問：「點解咁靚嘅地方要拆咗佢呀？」
「任何人可嚟做運動感受大自然」
前土地供應專責小組成員王坤同Emily講，高球會係「全軍總動員」反對計劃，但高球場有170公頃，𠵱家政府不過收番32公頃，當中亦只有9公頃係用嚟起屋，「只係攞佢一細忽，唔會影響運動發展同國際盛事」。對於球會話收地會令國際賽事重新審視賽事選址，佢形容咁樣「有啲似恐嚇」，話收地權唔喺球會或市民度，而係由政府決定。
更多港聞
【Emily】《守城前傳》首映 警總變戲院備爆谷汽水
【明報專訊】警隊兩年前拍攝宣傳片《守城》，海內外跨媒體平台點擊率錄得超過1億，今年再邀請導演林超賢拍攝《守城前傳》，警務處長蕭澤頤等一眾警隊... 詳情
【Emily】M+下月特展 回顧時尚教母宋懷桂一生
【明報專訊】繼早前完成「草間彌生：一九四五年至今」特別展覽，M+博物館公布下月底喺西展廳將舉行「宋懷桂：藝術先鋒與時尚教母」特別展覽。宋懷桂... 詳情
【Emily】新巴城巴合併換新裝 兩新塗裝7．1決勝
【明報專訊】城巴及新巴會喺7月1日合併，原有嘅新巴路線會併入由城巴經營，除咗司機要換制服，巴士車隊都要換新「衫」。城巴早前推出5款新塗裝設計... 詳情
【明報專訊】中華總商會上個禮拜六（17日）舉行咗佢哋本年度第一堂「國情研習班」，仲邀請咗前特首、全國政協副主席梁振英擔任主講嘉賓，以「全面融...
詳情
【明報專訊】中學文憑試（DSE）現設日語、法語、西班牙語等6種其他語言「丙類」科目考試，均採用劍橋大學國際考評部高級補充程度（AS leve...
詳情
相關新聞
