【Emily】《守城前傳》首映 警總變戲院備爆谷汽水
[2023.06.21] 發表
【明報專訊】警隊兩年前拍攝宣傳片《守城》，海內外跨媒體平台點擊率錄得超過1億，今年再邀請導演林超賢拍攝《守城前傳》，警務處長蕭澤頤等一眾警隊高層同唔同部門嘅前線警員參與拍攝。警隊噚日仲搞咗場首映，警察總部一個演講廳化身戲院，預備埋爆谷汽水同精美紀念品，邀請一眾嘉賓先睹為快。
《守城前傳》全長約30分鐘，動員900人參與拍攝，描述《守城》挾持人質事件48小時前，警方喺鬧市同貨船上追捕恐怖分子嘅過程，除咗市民較常接觸嘅衝鋒隊，仲有刑事情報科同飛虎隊「水鬼隊」等參與拍攝。片中亦有一眾警隊高層喺警總召開「守城行動」會議嘅一幕，「一哥」蕭澤頤、副處長(管理)周一鳴、助理處長(國家安全2)王忠巡等仲粉墨登場。
導演讚一哥演技 值叉燒飯加鹹蛋
林導噚日喺首映禮特別點名讚「二哥」周sir記對白同走位能力強，另同王sir拍攝都可以「一take過」，又讚飾演衝鋒隊巡邏車主管嘅「珊姐」演出真摯動人。主持就問「一哥」蕭sir，覺得自己嘅演出值唔值得一盒叉燒飯？林導就話蕭sir演得好，臨場加咗隻鹹蛋畀佢。現場再播出當日「放飯」花絮，有警員見「一哥」食叉燒飯而「二哥」有雙拼飯食，即叫「霞姨」換盒四寶飯畀「一哥」，引嚟全場大笑。
《守城前傳》周六(24日)晚9點45分會喺無綫電視翡翠台(81台)播出，翌日晚上9點喺警隊社交平台發布。另外，警隊噚日仲開通咗第七個社交媒體「小紅書」嘅官方帳號。
更多港聞
【Emily】M+下月特展 回顧時尚教母宋懷桂一生
【明報專訊】繼早前完成「草間彌生：一九四五年至今」特別展覽，M+博物館公布下月底喺西展廳將舉行「宋懷桂：藝術先鋒與時尚教母」特別展覽。宋懷桂... 詳情
【Emily】新巴城巴合併換新裝 兩新塗裝7．1決勝
【明報專訊】城巴及新巴會喺7月1日合併，原有嘅新巴路線會併入由城巴經營，除咗司機要換制服，巴士車隊都要換新「衫」。城巴早前推出5款新塗裝設計... 詳情
【明報專訊】中華總商會上個禮拜六（17日）舉行咗佢哋本年度第一堂「國情研習班」，仲邀請咗前特首、全國政協副主席梁振英擔任主講嘉賓，以「全面融...
詳情
【明報專訊】中學文憑試（DSE）現設日語、法語、西班牙語等6種其他語言「丙類」科目考試，均採用劍橋大學國際考評部高級補充程度（AS leve...
詳情
【明報專訊】教育局將於2023/24學年（下學年）起在官津、直資等學校推行學生津貼（2500元）電子申請，家長必須持有具數碼簽署功能的「智方...
詳情
相關新聞
