【Emily】故宮第100萬名訪客獲贈展覽圖錄
[2023.04.18] 發表
【明報專訊】位於西九文化區嘅香港故宮文化博物館去年7月3日開幕，噚日終於錄得100萬人次訪客參觀，館長吳志華特別準備咗特別展覽「百樣玲瓏——卡地亞與女性」圖錄送畀第100萬名訪客。呢本圖錄嘅展覽上周起舉辦，至今年8月中結束，展出約300件由19世紀至今嘅卡地亞珠寶、鐘表、珍寶及文獻，而展覽圖錄上面，就有由借出展品嘅演員林青霞、劉嘉玲，以及全國政協常委何超瓊嘅親筆簽名。
吳志華話，能夠喺開館不足10個月接待第100萬名訪客，覺得鼓舞，亦感謝公眾對博物館嘅支持，之後會繼續策劃具香港特色及世界級水平嘅展覽和教育活動，弘揚中華優秀傳統文化，倡導唔同文明嘅對話同交流，做到融貫中外、匯通古今。
更多港聞
【明報專訊】近年唔少政界人物都開設Patreon，立法會法律界前議員吳靄儀（Margaret）最近亦加入行列，開設Patreon分享生活、書...
詳情
【明報專訊】浸大學生會幹事會「斷莊」3年，今屆新內閣「滄溟」月初就任。浸大昨發聲明稱接獲投訴，內容涉及滄溟在網上平台所發表的政綱、年度計劃書...
詳情
文言遷移：和平與秩序的藥方及毒性 韓非的法家和〈五蠹〉（上）
【明報專訊】2012年首屆文憑試中文科卷一課外文言考材，節錄自法家韓非名篇〈五蠹〉。 蠹粵音到，即蛀蟲，五蠹比喻五類從內部破壞國家的人... 詳情
相關新聞
