【Emily】元宵綵燈亮 康署：影相唔准除口罩
[2023.02.01] 發表
【明報專訊】仲有4日就係正月十五元宵節，康文署噚日起喺北區公園同荃灣公園舉行元宵綵燈展，到下星期二(7日)為止，每晚6點至11點亮燈。康文署提醒去賞燈嘅人，包括影相期間都必須戴口罩。
喺北區公園嘅新界東元宵綵燈展以「春意盎然──花開．鯉躍．兔動」做主題，透過可愛嘅動物同埋色彩奪目嘅花鳥蟲魚造型綵燈，帶出萬物蘇醒、處處生機嘅信息，寓意新嘅一年充滿活力。
至於喺荃灣公園舉行嘅新界西元宵綵燈展就以「福兔迎春，金貓報喜」做主題，包括穿著華服嘅康文署吉祥物「活力仔」同「思文喵」燈組(圖)等，又特別加入「吉祥走橋」，以熱氣球點綴公園裏面嘅小橋，畀大家體驗「走橋」嘅元宵習俗，象徵祈福驅災。市民亦可以喺各燈展場地玩吓猜燈謎。
(政府新聞處)
更多港聞
都大樹仁珠海內地生超額 教局：已要求解釋促守規
【明報專訊】3間自資大學獲准下學年起收更多內地生，就現時情况，教育局昨回覆本報的數字顯示，都會大學、樹仁大學本學年取錄的內地、台灣及澳門生，... 詳情
【明報專訊】教聯會昨發布「幼稚園經營困難」調查，稱受出生率下跌、疫情及移民等因素影響，受訪幼稚園普遍出現學生流失。就移民帶來的影響，教聯會稱...
詳情
【明報專訊】考評局昨公布2023年中學文憑試（DSE）報考統計資料，總報考人數50,823，按年增加約1.5%（759人），為自2014年D...
詳情
相關新聞
