【Emily】投得2331萬元合約 深水埗明哥供水警兩年膳食

【明報專訊】人稱「深水埗明哥」嘅北河燒臘飯店老闆陳灼明，因為多年嚟喺深水埗免費派飯畀有需要嘅人而為人熟悉，佢最近投到警務處一份超過2331萬元嘅合約，嚟緊會幫水警總區提供膳食服務，合約為期兩年，由今年6月去到2024年5月31日。

多請三四十人

明哥話要幫4個基地提供嘢食，要請多30至40人，一共有十幾艘船，員工要買定啲餸煮飯畀水警食。Emily問會整咩菜式，會唔會有舖頭嘅拿手菜，明哥就話都係睇嗰到嘅大廚買到咩餸，同舖頭唔同喇。

明哥又話，最初係消防處職工總會喺疫情嗰陣落嚟幫佢哋手，一齊派物資畀啲有需要嘅人，因為咁識咗啲消防；消防義工就同佢講，消防處嘅膳食供應商就快完約，邀請佢投標，所以兩年前中咗標幫消防處提供膳食，但都要請大約140人喺各區嘅消防局買餸煮飯。今次投標係因為有義工同佢講水警上手嘅餐廳就快完約，明哥同佢嘅生意拍檔又覺得做得嚟，所以決定入標。

更多港聞

【Emily】好賞嘟遍千店 商戶自助推廣

【明報專訊】八達通4月推出「好賞嘟獎賞計劃」，市民只要喺八達通App參與「好賞嘟」，將八達通卡連結至「好賞嘟」，用八達通買嘢就可以自動賺電子... 詳情

【Emily】周子詩成九華百年首名女校長

【明報專訊】候任特首李家超嘅母校，九龍華仁書院將迎來創校百年以來第一名女校長。學校噚日喺網站公布，周子詩（小圖）會喺今年9月1日接任校長一職... 詳情

【Emily】港鐵車票捐醫護 醫局致謝

【明報專訊】疫情之下，醫護人員努力守護市民健康。醫管局噚日出稿，衷心感謝港鐵公司慷慨捐贈1萬張港鐵都會票畀前線抗疫嘅支援職系人員使用，同埋疫... 詳情