【Emily】有老有嫩有風格 3建築列古蹟
[2022.05.21] 發表
【明報專訊】政府噚日刊憲，公布古物事務監督根據《古物及古蹟條例》，將中環嘅回教清真禮拜總堂同香港大會堂，以及旺角雷生春列為法定古蹟。翻查古蹟辦網頁，連同呢3幢建築，香港法定古蹟增至132項。
1962年落成、位於愛丁堡廣場嘅香港大會堂，係香港最年輕古蹟，佢亦係本港第二所大會堂，1962年3月2日由當時港督柏立基爵士揭幕。大會堂係本港罕有及重要嘅現代主義建築，引領當時香港建築潮流，並成為標誌建築，係本港首個向所有市民開放嘅多用途文娛中心，同埋係多項重要典禮場地，包括5名港督就職典禮同法律年度開啓典禮。佢亦係培育本地表演者嘅搖籃，見證本港藝術同文化發展。
回教清真禮拜總堂則位於些利街，係香港歷史最悠久嘅清真寺，喺1915至16年間，由孟買商人哈吉．穆罕默德．埃薩克．埃里亞斯捐款興建，以取代原址舊清真寺，見證本港穆斯林社群發展，具有重大歷史意義，現時亦係香港穆斯林社群重要嘅禮拜同聚會場所。
建於1913年嘅旺角雷生春，屬混入裝飾藝術元素嘅新古典主義風格唐樓，原本係九巴創辦人之一雷亮同家族成員嘅藥店同住所，2003年贈予政府保育，係首次有業主向政府捐贈歷史建築。
更多港聞
【明報專訊】警方早前搗破一宗賣淫集團案時，其中一名被捕男子據悉係沙田民政事務助理專員林方達。Emily發現，沙田民政事務處網頁同政府電話簿中...
詳情
【明報專訊】曾喺無綫新聞工作、擔任記者，又做過5年勞福局長政治助理嘅莫宜端，近日接受學者沈旭暉訪問，透露已舉家移民去英國米爾頓凱恩斯（Mil...
詳情
【Emily】英皇塌校樹 樹藝師：老樹自求多福
【明報專訊】中華樹藝師公會會長歐永森噚日喺facebook發帖文，提及英皇書院一棵無花果樹日前喺風雨中倒塌。根據書院校刊資料，呢棵無花果樹高... 詳情相關新聞
