【Emily】大嘥鬼9歲願望：擇日推垃圾收費
[2022.05.19] 發表
【明報專訊】眼闊肚窄嘅大嘥鬼，形象深入民心，噚日係佢9歲生日，環境局長黃錦星喺社交媒體發文祝賀大嘥鬼牛一，並透露大嘥鬼嘅生日願望係希望及早與立法會制定明年推行垃圾收費嘅「起旗吉日」，好讓香港人「揼少啲 慳多啲 識回收」。
黃錦星喺帖文提到，香港堆填區嘅生活垃圾中，廚餘歷來排行第一，佔約30%，浪費食材唔止增加堆填區負擔，同時增加溫室氣體排放，加重全球氣候變化負擔，影響深遠，故上屆政府開局時成立「惜食香港」運動；並於9年前孕育大嘥鬼，希望創新活潑地推動「惜食」。而本港家居廚餘嘅每天人均棄置量，由當年0.37公斤降至近年0.33公斤，減幅一成有多。
為推動惜食而生 港家居廚餘減一成
黃錦星又提到，大嘥鬼與時俱進，唔止推廣惜食、減廢及回收，更不時化身「慳神」，兼任節能慳電等宣傳，全方位支持氣候行動，包括減廢減排減碳，以及保育自然，配合香港力爭碳中和。鬼鬼亦有喺自己專頁發文，話如有市民希望同佢慶生，只要留言生日快樂同平日做好環保，佢已經好開心喇。
更多港聞
【明報專訊】運輸署於2006同2018年曾喺行人過路處試驗安裝「行人交通燈號倒數計時器」，行人交通燈旁邊嘅計時器會喺行人綠燈開始閃動時，以遞...
詳情
【Emily】15分鐘叉滿 SHELL中港城設電動車充電站
【明報專訊】喺香港呢個咁追求效率嘅地方，時間就係金錢，電動車充電亦都一樣。SHELL、信和集團同希路能源合作喺中港城設立電動車充電站，提供4... 詳情
竹篙灣單日最多28人考 有人兩度進出 考生兩卷間喊餓 監考難忘送麵
【明報專訊】中學文憑試（DSE）連續3年受新冠疫情影響，今年DSE上周完成所有甲類科目筆試。首年讓染疫考生赴竹篙灣特別試場考試，有負責「確診... 詳情
相關新聞
