【Emily】中大政政系舊生梁美芬：我覺得Government and Public Administration，老實講好過時
[2022.05.13] 發表
【明報專訊】本報噚日報道，中大政治與行政學系正就重組方案諮詢，研究同其他課程合併成新學院並改名。政政系多年嚟培育唔少立法會議員，1997年畢業嘅民建聯陳克勤話，對於政政系要重組感可惜。1987年畢業嘅經民聯梁美芬覺得學系合併發展好正常，對於政政系要改名，佢話：「我覺得『Government and Public Administration』(政政系現英文名)，老實講好過時。」
97畢業 陳克勤對要重組感可惜
98畢業 鄧飛：唔止唏噓 直頭傷感
1998年畢業嘅政政系舊生、選委會議員鄧飛同Emily講，「去年啱啱慶祝(政政系)50周年，今年就話無咗個名，你有咩感覺？唔止唏噓，直頭傷感！」陳克勤認為，政治研究同公共行政都係專門學科，最理想政政系可以獨立運作，但希望重組可以吸引更多人入讀。佢又話政政系歷史悠久，希望保留原名。對於重組有冇政治因素，陳克勤就認為「諗多咗」，因為系內討論政治一向基於學術，佢在學時已有「左中右」不同意見。
梁美芬期望政政系檢討同提升競爭力，最重要配合社會需要，例如近年強調嘅大數據。至於重組後學院嘅新名稱，佢透露諮詢時揀咗「政治與政策創新學院」(School of Governance and Policy Innovation)。
更多港聞
【明報專訊】和富社企「香港開心D」同埋李錦記家族基金，委託理大護理學院同東華學院團隊，喺今年3月21日至4月3日期間做「家庭開心指數調查」，...
詳情
【明報專訊】民主黨前立法會議員黃碧雲因民主派初選案被控，現時獲准保釋，仍然關心地區事務。立法會民政事務委員會前日討論油麻地戲院第二期建築工程...
詳情
嶺大鄭國漢：冇唔認學生會 去年停代收會費 昨指代表性低
【明報專訊】嶺大學生會繼校方不代收會費，月內將面臨多個場地遭校方收回。校長鄭國漢昨稱，「冇唔承認學生會」，但重申學生會會員人數少，代表性嚴重... 詳情相關新聞
