【Emily】制裁倘涉Google地圖 陳學鋒擔心交通安全
[2022.04.23] 發表
【明報專訊】特首選舉候選人李家超因為受美國制裁，為競選開設嘅Youtube頻道早幾日被Google關閉。立法會交通事務委員會噚日討論智慧出行措施時，民建聯議員陳學鋒關注，香港日後可能受唔同科技公司制裁，而目前好多Apps係由Google地圖支援，擔心面對制裁時，會影響服務，「甚至影響交通安全」。佢又以「入錶易」Apps為例，話華為手機用唔到，因為華為手機用唔到Google地圖，「好危險，對香港安全隨時受到威脅」。
運署稱本地Apps用政府地圖
運輸署副署長邱國鼎解釋，𠵱家政府好多程式用緊地政署嘅地圖，而「出行易」最新已轉用華為新系統「鴻蒙」。運輸署首席運輸主任何均衡亦承認，「入錶易」暫未有華為版本，營辦商正逐步開發唔同平台都用到嘅版本。但陳學鋒仲未放心，希望運輸署嘅交通安全資訊唔好只用一個地圖，話Google掌握太多信息。邱國鼎重申，本地Apps都係用本地或政府地圖及資訊，寫Apps時都會寫埋「鴻蒙」版本，強調採購時一定睇晒國內外嘅軟件。
另外，早排註冊咗「johnlee.hk」域名嘅前區議員巫堃泰喺twitter話，李家超仲用緊美國公司微軟嘅電郵，仲問微軟會點做呢？Emily有向微軟查詢，但截稿前未有回應。
更多港聞
【Emily】曬30年前准考證 前區佬朱江瑋勉DSE生
【明報專訊】中學文憑試（DSE）噚日正式開考，考英文科。油尖旺前區議員朱江瑋話自己全日喺舊屋執嘢，點知搵到張30年前佢第一次考會考嘅准考證，... 詳情
【明報專訊】「孿生警官」郭蔭庶同郭蔭庸下星期將屆退休之齡，警隊高層隨即會「大執位」。其中「未來一哥」大熱人選、現任刑事及保安處長周一鳴料更上...
詳情
【明報專訊】香港過去一直都有以特區身分參與唔同國際組織，例如打擊跨國洗黑錢嘅「財務行動特別組織」 （FATF），香港係37個地區及國家成員之...
詳情
相關新聞
