【Emily】中招10日快測陰性 黃俊碩仍未接確診通知
[2022.02.23] 發表
【明報專訊】疫情下市民檢測後，就算不幸中咗新冠病毒，都要等通知「確診」。早前染疫嘅民建聯會計界立法會議員黃俊碩就有親身經歷，佢噚日喺民建聯網上記者會分享話，前一個禮拜六(12號)快速檢測陽性，13號已向衛生署提交深喉樣本，一直等到18號先初步確診。
去到初步確診翌日，即係19號，佢先收到衛生防護中心打電話問有無發燒及病徵，當時已經係發病後第8日，身體狀况早已好轉，但佢直到噚日都未收到當局正式確診通知。黃俊碩認為自己嘅經歷唔係孤例，可以預見社區裏面有好多隱性患者。
黃俊碩又分享話，喺快速測試初步陽性後，一直留喺自己房間，同埋好彩房間有獨立洗手間，日用品都留喺房中自用，「有入無出」，到完成14日家居隔離後再清洗。佢話噚日快速測試呈陰性，Emily計番條數，即係如果順利，佢最快周五可以外出。
另外，環境局長黃錦星嘅司機日前新冠快速測試結果呈初步陽性，而黃錦星交回嘅深喉唾液樣本化驗，火速有結果，為陰性，佢噚日如常返到辦公室工作。該名司機交回嘅深喉唾液樣本化驗結果為陽性，正按衛生署指引在家隔離等候。
民建聯周浩鼎噚日話佢媽媽做快速測試結果呈初陽，佢曾與阿媽短暫接觸，已立即做快速測試，結果陰性。佢會暫時居家觀察，稍後再安排檢測。
更多港聞
【Emily】海關開fb同ig 何珮珊客串拍片宣傳
【明報專訊】香港海關噚日喺facebook上載咗一段30秒片段，話喺2022年2月22日咁特別嘅日子，佢哋正式推出兩個社交媒體帳號，即fac... 詳情
人物例子庫：我們深深地愛上一個人，常常不是因為真的愛對方、了解對方，而是為了轉移對自身痛苦的注意力。
【明報專訊】「下定決心／回復單身都不覺荒涼」——熱戀的甜，失戀的苦，即使你未曾談戀愛，想必略有所聞。不止有戀愛經驗豐富的人才有「資格」談論愛... 詳情相關新聞
