【Emily】陳帆自由黨議員 冷雨夜迎水路供港貨
[2022.02.23] 發表
【明報專訊】星期一午夜時分，運輸及房屋局長陳帆，以及自由黨立法會議員易志明、李鎮強等，喺冷雨夜去咗葵涌現代貨箱碼頭視察，原來係迎接13個載有200噸鮮活食物嘅貨櫃。趁雨勢唔大，大家仲拎住遮企喺貨櫃前舉手指公畀like打卡。
李鎮強喺facebook解釋，受新冠疫情影響，加上陸路跨境貨車業界缺人，令到香港食品同日用品供應異常緊張。運房局與內地磋商後，決定以水路方式將部分貨物運嚟香港，紓緩陸路跨境運輸嘅壓力。
易志明就話，內地單位同運房局定出多條水路航線，經過測試後，決定將定點海運嘅主要航線，設定由深圳大鏟灣港口運送嚟葵涌現代貨箱碼頭。由於運輸時間較短，成本減低，令食物價格唔會持續高企，保障供港貨品嘅穩定。
更多港聞
【明報專訊】疫情下市民檢測後，就算不幸中咗新冠病毒，都要等通知「確診」。早前染疫嘅民建聯會計界立法會議員黃俊碩就有親身經歷，佢噚日喺民建聯網...
詳情
【Emily】海關開fb同ig 何珮珊客串拍片宣傳
【明報專訊】香港海關噚日喺facebook上載咗一段30秒片段，話喺2022年2月22日咁特別嘅日子，佢哋正式推出兩個社交媒體帳號，即fac... 詳情
相關新聞
