【Emily】洪雯倡參考新加坡 派血氧機及輕症治療包

[2022.02.16] 發表

【明報專訊】官員多番強調要「動態清零」，亦唔會採取在家治療嘅方法，但噚日召開嘅立法會財委會特別會議上，選委會界別議員洪雯(圖)話，𠵱家醫療系統已超出負荷，認為政府應有「Plan B」，提議政府撥款支援輕症患者在家治療，並參考新加坡做法，向家庭提供血氧機同輕症治療包，估計涉款3億至5億元。

新加坡早就宣布「與病毒共存」，同香港方向唔同，所以食衛局長陳肇始回應時都強調，本港以「動態清零」為目標，即應盡快送患者去隔離設施。

政府定於2月24日起推行「疫苗通行證」，好多關閉處所營運者都擔心會唔會要再延長關閉時間，鄉議局主席劉業強喺會上表達關注，陳肇始話，關閉嘅處所屆時係咪可以重開，仍要繼續審視。

周小松鬧陳肇始「飲食界多得你唔少」

勞工界議員周小松批評食衛局，每次疫情爆發，第一個「招呼」飲食界，「成個飲食界多得你唔少啊陳局長」，陳肇始就回應話飲食業傳播病毒風險非常高。

更多港聞

【明報專訊】去年底國泰航空機組人員喺醫學監察期間出街食飯，違反回港後3天家居隔離規定，及後機組人員確診新冠病毒，引爆第五波疫情。運輸及房屋局... 詳情

【明報專訊】香港社會服務聯會話，佢哋攞到第二個組合社會房屋計劃嘅「入伙紙」，住戶噚日陸續入伙。項目為輪候公屋最少3年，或者住喺不適切住房嘅基... 詳情

【明報專訊】財政司長陳茂波會於下周三（23日）發表任內最後一份《財政預算案》，疫情下，財爺會以視像形式向立法會宣讀，議員透過Zoom遙距參與... 詳情

【明報專訊】噚日農曆正月十五元宵節，唔知大家有無食湯圓、猜燈謎應節？教育局長楊潤雄就喺facebook出帖，祝大家平安團圓，話雖然要留家抗疫... 詳情

【明報專訊】學校今年起每個上課天須升掛國旗、每周辦升旗禮。教育局近日更新《國旗、國徽、國歌和區旗常見問與答》，提醒學校舉行升旗禮時，奏唱國歌... 詳情