【Emily】大帽山英雄亭有義剪
[2022.02.14] 發表
【明報專訊】政府2月10日起將髮廊納入表列處所規管及停業14日，市民喺新規定生效前趕尾班車，多區髮廊、飛髮舖現「飛髮集結」。有髮型師以上門形式為客人剪髮，「香城公民媒體」就喺facebook話，有髮型師噚日(13日)清晨喺大帽山英雄亭設立流動理髮點，有紙牌介紹「流動理髮 費用全免」。
根據「香城公民媒體」上載嘅相片可見，剪髮嘅客人好似喺髮廊咁，披上一件理髮袍。該媒體話，有市民關心現場衛生問題，髮型師話事後會清理頭髮碎，保持地方清潔。有網民就喺呢個帖下留言，話「本來好欣賞，但諗起啲頭髮碎咪飛到周山都係，咁樣唔係幾好囉」。另有網民回應：「我想講佢地都係迫上梁山姐(啫)。」
更多港聞
【Emily】質疑外傭中環聚集 議員籲放假留家唞
【明報專訊】呢幾日新冠個案每日逾千，選委會界別立法會議員江玉歡同新民黨李梓敬分別喺facebook上載相片或片段，質疑中環有外傭聚集。江玉歡... 詳情
【明報專訊】連日嚟新冠疫情每日個案過千宗，唔少建制派「逆行」為市民打氣。經民聯主席盧偉國噚日則繼續喺facebook教煮餸，介紹新春意頭菜「...
詳情
中大限宿生不能回家留宿 被批過嚴 退宿者：明白校方需防疫 惟決定倉卒
【明報專訊】新冠疫情嚴峻，多間大學建議學生退宿。中大早前宣布，學生如繼續留宿，須提供「充分有力」理據，且其間只住宿舍，不得回家留宿，安排惹起... 詳情
相關新聞
