【Emily】黃梓謙發文謝支持 搞錯胡定旭係人大常委
[2021.12.13] 發表
【明報專訊】立法會選舉嘅選委會界別有51人爭40席，唔少候選人都搵有分量嘅政商界名人站台，其中黃梓謙噚日喺社交媒體loop番胡定旭、譚志源等前輩撐佢嘅圖文，話選舉倒數第七日「感恩系列」，包括「全國人大常委胡定旭」支持佢，但其實港區人大常委只有譚耀宗一人。黃梓謙都快手修正番，話「全國政協常委胡定旭」讚賞佢基層長大，十分關心基層年輕人，期望佢能夠勝出選舉。
黃梓謙無政黨背景，噚日就同另一候選人、民建聯林琳一齊網上開live，佢話呢個半月同林琳一齊出席幾十場論壇及見面會，形容好似面對形形色色嘅口試考試，話佢期望二人「順利通過考核」。
工聯會陸頌雄亦同另一候選人、城大教授孫東孖咇拍片講創科教育，話推動香港進一步發展，要投票畀佢兩個。出選同一界別嘅前新聞統籌專員馮煒光，就有民建聯成員幫手拉票，民建聯議員柯創盛拍片，話馮係一個「重政策、肯實幹」嘅朋友。馮煒光話，如果當選會全職做議員。
選委會界別候選人名單可瀏覽明報選舉專頁(bit.ly/31XWoIk)。
更多港聞
【Emily】高官續谷票 徐英偉扮候選人籲投票
【明報專訊】政府高層指示，高官們要一齊催谷投票，民政事務局長徐英偉噚日就喺社交媒體出Post，圖片格式十足十候選人海報（圖），唔講仲以為係佢... 詳情
【明報專訊】現屆政府任期至明年中，根據香港民意研究所最新調查，只有3名局長民望錄得正數，環境局長黃錦星係其中一人。佢噚日喺港台節目《舊日的足...
詳情
3D打印文物 「捧着歷史」學習 浸大掃描20文物 帶複製品走入中小學
【明報專訊】歷經朝代興衰、原放置博物館櫥窗的北齊佛陀頭像，經3D掃描及打印後，學生可將複製品捧於手中近距離觀察，再無「眼看手勿動」限制。浸大... 詳情
相關新聞
