【Emily】為陳克勤拉票 肥媽拍晒枱
[2021.12.13] 發表
【明報專訊】立法會選舉周日(19日)投票，喺無主流泛民參選下，唔少人都認定現任議員、爭取連任者贏面極高，不過佢哋都唔敢「坐定笠六」，好似參選新界東北嘅民建聯陳克勤，就搵咗藝人肥媽(Maria Cordero)拍片，片中肥媽仲為克勤緊張到拍枱，呼籲無論係咪克勤嘅「鐵粉」，到時都要出嚟投票。
話說短片一開始係街訪，團隊呼籲市民投票畀克勤，但有大叔話「佢夠票㗎喇，我精神上支持佢」，亦有男士話「無我嗰票都得啦，佢實贏硬㗎喇」，亦有師奶話好忙、唔去投票，搞到肥媽睇完片段都拍枱話有無搞錯，指投票係公民責任。到克勤就出場話，個個都話佢贏硬、夠票，點算好？肥媽就話「嘥氣」，呼籲克勤嘅鐵粉都要行多一步出嚟投票，唔係鐵粉嘅都同樣要出嚟。
李梓敬出動妻兒派傳單
同區嘅新民黨李梓敬噚日就搵咗黨友、保安局前局長黎棟國同佢落區拉票，仲出動埋老婆帶兩個小朋友幫手派傳單，佢形容新界東北嘅最後一席「將會係梓敬同攬抄(炒)派嘅對決」，呼籲街坊集中票源支持佢。新界東北其他候選人仲有民主思路黃頴灝、前議員黃成智。
而黎棟國有參加選委會界別選舉。選委會界別候選人名單可瀏覽明報選舉專頁(bit.ly/31XWoIk)。
更多港聞
【Emily】茂蘿街設互動「許願樹」 傳承街坊回憶
【明報專訊】由市建局保育及活化、前身係灣仔百年歷史唐樓嘅「綠屋」，目前成為「茂蘿街7號」項目。市建局行政總監韋志成噚日喺網誌話，將以全新定位... 詳情
【Emily】黃梓謙發文謝支持 搞錯胡定旭係人大常委
【明報專訊】立法會選舉嘅選委會界別有51人爭40席，唔少候選人都搵有分量嘅政商界名人站台，其中黃梓謙噚日喺社交媒體loop番胡定旭、譚志源等... 詳情
【Emily】高官續谷票 徐英偉扮候選人籲投票
【明報專訊】政府高層指示，高官們要一齊催谷投票，民政事務局長徐英偉噚日就喺社交媒體出Post，圖片格式十足十候選人海報（圖），唔講仲以為係佢... 詳情
【明報專訊】現屆政府任期至明年中，根據香港民意研究所最新調查，只有3名局長民望錄得正數，環境局長黃錦星係其中一人。佢噚日喺港台節目《舊日的足...
詳情
相關新聞
