【Emily】黃錦星：4年間將500野豬遷離民居
[2021.01.07] 發表
【明報專訊】野豬大鬧市區不時發生，鄉議局主席劉業強前年更講過要「引入野豬天敵」對抗。民建聯何俊賢喺立法會嘅書面質詢就關注野豬滋擾問題，話收到市民投訴野豬闖入民居，破壞農作物及財物等。環境局長黃錦星書面回覆話，自2017年推出「捕捉及避孕/搬遷先導計劃」至2020年11月，漁護署安排咗128次行動，捕獲666隻野豬，當中為296隻野豬避孕或絕育，499隻野豬被搬遷到遠離民居嘅郊野。
漁護署亦喺2019年開展野豬數目調查前期研究，利用紅外線相機配合定時數據收集，估算野豬數目同繁殖趨勢，初步分析全港郊野地區有1800至3300頭野豬。
296隻避孕或絕育 稱效用中長線
何俊賢問到幫野豬打避孕疫苗嘅成效、絕育手術可行等問題，黃錦星就話，已將多個野豬血清樣本做化驗，結果顯示接受注射2至21個月後，93%野豬無再次懷孕嘅迹象，話避孕工作對控制野豬滋擾嘅效用係中長線，現階段評論成效言之過早；而絕育手術雖效果永久，但過程複雜及準備需時，喺個別環境或突發情况好難做，唔可以完全取代避孕疫苗。
更多港聞
【明報專訊】新冠疫情下，學校近一年不時要以網課取代面授，有意見關注未來會否增加上學天。教育局長楊潤雄昨稱，大部分學校反映在家學習進度符合預期...
詳情
港大連儂牆舊址放盆栽「綠化」 學生會批失活動資源
【明報專訊】2019年反修例運動期間，港大位於大學街上層位置成為連儂牆，一度貼滿文宣，校方去年10月收回該址管理權，並以水馬圍封。港大學生會... 詳情
【明報專訊】政府近年倡青年到粵港澳大灣區工作，惟有調查稱部分青年抗拒北上發展。政制及內地事務局長曾國衞昨表示，修例風波突顯不少年輕人國家意識...
詳情
相關新聞
