【Emily】國慶今年料無煙花匯演
[2020.09.01] 發表
【明報專訊】今年10月1日係國慶71周年，特區政府過往國慶都會搞慶祝活動，包括煙花匯演，上年因為反修例風波，政府基於整體公眾安全考慮，最終取消國慶煙花，今年又撞上疫情，有政府中人同Emily講，今年應該無得睇國慶煙花喇，而政府內部就仲度緊有咩其他活動。
政府6月時邀請有意贊助今年國慶煙花匯演嘅機構入標，有政府中人話，原本今年有人贊助，但最終都打退堂鼓，所以預料今年應無煙花匯演。至於升旗禮、國慶酒會等，相信今年仍會繼續有；7月回歸時其實亦喺疫情下舉辦相關活動，相信政府喺國慶酒會等活動上會有類似嘅防疫安排。
自1997年回歸以來，政府3次取消國慶煙花，包括2013年(因為之前一年發生南丫海難事件)、2014年佔中運動，以及上年反修例風波。
更多港聞
【明報專訊】政府今起推行普及社區檢測計劃，有24個社區檢測中心設於官立學校。檢測計劃有可能延長至9月14日，而學校最快9月16日可安排部分學...
詳情
相關新聞
