【Emily】新東昨收6名單 報名要等3個鐘
[2020.07.23] 發表
【明報專訊】立法會選舉提名期日前開始，唔少人噚日報名，單係新界東就有6張名單，有人要等足兩三個鐘，當中民間集會團隊發言人劉頴匡用咗3個鐘先搞掂，佢話程序上要等上一個候選人報完名，先輪到佢哋入房交表。
即使係建制派都要等一輪，民建聯葛珮帆報名，選舉經理人招文亮話都花咗兩三個鐘，主要都係排隊，雖然團隊報名人數多，但同以往比都唔算太耐。
周小龍簽確認書 自言無Plan B
即使係報名人數較少嘅功能組別都要處理一輪，參選體育、演藝、文化及出版界嘅童裝店Chickeeduck行政總裁周小龍噚日報名，在場記者等咗佢兩個幾鐘先見佢搞掂出嚟，佢話感受到政府嘅官僚，因為每個程序都要搵幾個人處理，認為正常應45分鐘內就搞掂。
周小龍噚日報名都有簽署確認書，仲話冇「Plan B」，因為覺得自己唔會被DQ，又認為自己「贏面好大」，強調界別都需要言論、創作自由。講起潛在對手、港協暨奧委會副會長霍啟剛，周小龍話如果郭晶晶唔係霍啟剛老婆，相信都會投佢一票，因為郭晶晶由內地來港，一定希望享受香港言論、創作自由。
更多港聞
【Emily】出片反攬炒 民建聯：你或要食三手飯
【明報專訊】民建聯用「反攬炒、救香港」作為立法會選舉主題，噚日再出短片（圖），有幾個後生仔喺食堂吼住人哋食飯，見到有人食剩嘢就坐低食埋佢，唔... 詳情
【明報專訊】舊年6月12日衝突中右眼受傷嘅通識科老師楊子俊噚日喺facebook出帖，公布自己唔參選教育界，話議會呢個抗爭場地需要有政治熱誠...
詳情
【明報專訊】Emily早前聽聞DayDayCook創辦人朱嘉盈（Norma Chu）會參選立法會資訊科技界，亦聽聞佢「有包袱」未放低，所以未...
詳情
超級狀元看國安法：人人警惕言論 擬赴劍橋讀工程 稱與立法無關
【明報專訊】今屆中學文憑試（DSE）誕生7名考獲7科5**的狀元，其中兩人是「超級狀元」（數學延伸部分同奪得5**）。聖保羅男女中學的「超級... 詳情相關新聞
