【Emily】10大學校長「再出發」 11學生會齊鬧
[2020.05.08] 發表
【明報專訊】「香港再出發大聯盟」今個星期二成立，公布逾1500個共同發起人名單，除咗城大校長郭位，有10間大學嘅校長都係共同發起人，引起唔少討論。11間大學學生會噚日發聯合聲明，話對一眾大學校長「向政權獻媚」表示憤慨同遺憾。
指肩負大學之名 不應入政治組織
11間大學學生會幹事會同臨時行政委員會噚日喺facebook刊登聯合聲明，譴責各校長加入「香港再出發大聯盟」，話校長作為一校之首，肩負大學之名，唔應該加入政治組織，理應站喺捍衛言論自由、院校自主之端，同學生同行；但一眾校長選擇「與共匪爪牙聯盟」，背棄學生，令人不齒。
話港人會繼續走上街頭燃抗爭烈火
聲明又話聯盟美其名「團結香港、修復社會矛盾」，但倒行逆施，抹黑追求民主自由嘅港人，加深社會撕裂，無疑出於政治考量，企圖拉攏民心，話港人會繼續走上街頭，燃抗爭烈火。
樹仁大學學生會前日亦向校監胡鴻烈、副校監胡懷中發公開信，對兩人加入聯盟表示「極為震撼及疑惑」，話胡懷中喺反修例風波向樹仁全體發信，內容開明，令民間對學校校風刮目相看，風評甚佳，𠵱家竟然加入聯盟，要求校方公開宣布退出大聯盟。
Emily噚日向11間大學查詢校長回應，截稿前均未有回覆。
更多港聞
【明報專訊】中西區區議會政治及保安事務委員會早前被指職權、名稱不符區會職能，秘書處唔提供場地同秘書服務，眾區議員前日到民政處搵民政事務專員（...
詳情
【Emily】泛民見記者 自由黨區議員話違限聚
【明報專訊】政府早前租用九龍城富豪東方酒店，安排機場抵港旅客留宿等候新冠病毒檢測結果，唔少區議員跟進，但就鬧出小風波。噚日九龍城區議會開會，... 詳情
【Emily】馬會擲1.5億抗逆 資助服務弱勢項目
【明報專訊】一方有難，百方支援，疫情唔止打擊企業同打工仔，仲有慈善機構同體育組織，香港賽馬會慈善信託基金決定撥款1.5億，成立「賽馬會社區持... 詳情
相關新聞
